Vei khat ah minung pakhat cu hringnun a beidong san thlang. Hnaṭuan remcanlonak pawl, midang thawi’ pehtlaihawknak remcanlonak pawl ruangah a nun ihsi luatsuah duhnak thinlung a nei. Curuangah luatsuah theinak ding ah ti’n ihhmuhsii tampi a lei.
Ihhmuhsiipawl a ei hlan ah Pathian hnenah thla a cam. “Ka nun ka duaipi zo,” tiah a au. Cumi can ah tleuzung pakhat a rung lut ih, ihhmuhsii ei lo ding in a run kham. Cu pa khal cu a lung a ruh zet, “Tahṭhimnak ṭha zet i pek thei ahcun i sim vek in ka that aw lo ding,” a ti. Cutikah tleuzung cun thuanthu pakhat a sim.
“Vei khat lai ah Pathian in rua le hrampi a rual in a cing. Rua ci le hrampi ci a ret tlang hai. Asinan thla khat a kim tikah rua cu an keuh hrih lo. Hrampi lawngte cu an sau zet thlang.
Cutin thla hnih a rei. Rua cu an ṭhang hrih cuang lo. Hrampi cu an karhzai vivo. Thla thum a rei. Ruapawl cu a keuh mum hman an lang hrih lo. Asinan hrampi cu an rul memmem zo. Thla li a rei cun rua khal an hung keuh thlang. Asinan hrampi in rua cu an khuh lai. Cutin thla ruk a rei tikah rua cu hrampi hnak in a let 20 lai an sau ih, rual aw zet in an mawi ngaingai. Curuangah himi hi cingkeng aw. Rua le hrampi hi an dinhmun a bang aw lo. Hrampi an sau zia zoh in rua kha a beidong sehla, a hung keuh sang thei dah lo ding,” ti ih a sim hnu ah tleuzung cu a hlo.
Cu pa khal cun ihhmuhsiipawl cu a ei nawn lo.
Sirhsan: Mg Sai – “Rua”
Siang Lian Uk Kianghrol
One Reply to “Rua”