Mi duh am pa le Mi hnahsik nei pa thuanthu

57 sec read

Vei khat lai ah siangpahrang pakhat ih hmai ah minung pahnih an ra thleng. Pakhat cu mi duh-am ngaingai a si. A dang pakhat cu mi nahsik nei ngaingai a si. An thuhla a theih tikah siangpahrang cun an thinlung tuahṭhatawknak ding a ruahman sak.

Hitin a sim hai: “Nan pahnih lakih pakhattu in nan duh mi thil pakhatkhat in dil uh. I diltu cu a dil mi ka pe ding. A dang pakhat in I diltu ih let hnih in a co ding.”

Siangpahrang cun an thinlung a hrem hrim mi a si. “Zo in a dil ding?” ti ih siangpahrang in a sut tikah an sawn thei lohli lo. Mi nahsik nei pa cun ‘ka dil ahcun kei hnakih let hnih in a ngah ding’ ti a ruat ih a nahsik tuk ruangah dil hmaisat a duh lo. Mi duh-am pa khal in a tamsawn ngah tengteng a beisei ruangah a dil hmaisa duh lo.

Asinan siangpahrang hmai ah awloksong ih reipi din ringring cu thil cangthei a si lo ruangah mi nahsik nei pa cun a vun dil. A dil mi cu, “Ka mit khatlam I phorhsak hram aw, siangpahrangpa,” ti a si.

Cutin mi duh-am pa cun ngah tamsawn duh ruangih a dil hmaisat duh lo ruangah a mit pahnih a cawt phah. Asinan mi nahsik nei pa khal ‘midang ih neih ding mi thilri a nahsik tuk ruangah’ amai’ mit khatlam a sunral phah.

Nahsiknak le duh-amnak hin minung taksa le thinlung hi nasa zet in an siatsuah ṭheu a si.

Laknak: Pay Myint – Tanphou Htarr-at-thaw Ayarmyarr, Yangon: Sarpay Lawka, 2004.

Siang Lian Uk Kianghrol

3 Replies to “Mi duh am pa le Mi hnahsik nei pa…”

  1. I agree with your point of view, your article has given me a lot of help and benefited me a lot. Thanks. Hope you continue to write such excellent articles.

  2. At the beginning, I was still puzzled. Since I read your article, I have been very impressed. It has provided a lot of innovative ideas for my thesis related to gate.io. Thank u. But I still have some doubts, can you help me? Thanks.

Leave a Reply

Your email address will not be published.