Lasi Fim Le Lasi Aa Pawl
Vei khat lai ah lasipawl cu umnak ding hawl in an vak hai. Cui’ lasipawl lakih a ṭhen cu an fim ih a ṭhen cu an aa.
Lasi fim pawl cun mualrawn kaupi ah mahte ih a um mi thingkungpawl an hrial ih, hramlak thingkung tamnak hmun ih thingkungpawl ah umhmun an khuar.
Asinan lasi thluak thawl le aa pawl cun, “Ziangah hitawk thingkung tampi umnak ah kan um khawm? Minung umnak khaw kiang ih amahte a um mi thingkung ah kan va um sawn pei uh. Cutawk ih kan um ahcun minungpawl in laksawng thawn in ra be ding,” tiah an ti.
Zan khat cu thlipi nasa zet a hrang ciamco. Mahte ih a ding mi thingkungpawl hmuahhmuah an tlu thluh. Curuangah lasi aa pawl cu umnak ding hmun an nei nawn lo. Thingkung tampi umkhawm pawl cun thlipi cu an do thei ih, tlu lo in an um.
Cutikah lasi fim pawl cun lasi aa pawl cu hitin an sim:
“Minungpawl hi hramlak thingkung burpi vekin lungrualte’n an um a ṭha. Hupphentu nei lo in mualrawn kaupi ih amahte a ding mi thingkung pawl cu thlipi a hran tikah an tlu. Asinan a bur in a umkhawm mi thingkungpawl cu an tlu lo.”
Sirhsan: The Great Stories of the World That Will Be Told Forever – “The Wise and Foolish Fairies.”
Siang Lian Uk Kianghrol
3 Replies to “Lasi Fim le Lasi Aa Pawl”