ZUMHAWKTLAK NU GENIVI Tuanbia Part II
An va kalnak ding khuaram cu Rain le Moselle tivapi karlak i a ummi an si. Count Sigfradte nu pa cu an khua milian le upa tampi nih sunglawi ngaiin an rak don hna. Genivi kalnak ahcun lam thluanchuak in puan an phah piak i zapi hna cu kan hmu kho sual lai lo tiah pakhat le pakhat an i eng lulhmalh. An bawinu an hmuh cun an khuami an dihlak in an i lawm i an tha a nuam. Aa citmi rang in a hung tum i mi vialte kha an kut a tlaih dih hna. Cu kum lila ahcun an ram chung i a ummi vialte an lahkhah karh dingin nawl a pekter hna. An i lawmh tukah an mitthli a tla dih. Count Sigfrad sinah mi tampi nih lunglawmhnak bia an chim.
Siangpahrang inn nganpi ah Count le Genivi cu khua an sa ți. Sihmanhsehlaw an i lawmhnak cu a sau hin lo. Thlakhat tluk ceo an um hnu ahhin zualko pakhat a hung tli i, “Mosolam ral a tho i Moor hna nih Spain ram an hun lak hnu ah French ram zong an hun chim i thi tampi a chuak cang” tiah Count cu an rak chimh. French raal bawi bik nih khulrang tein a ral kap he rak pok hna seh a si khawh ahcun tuzan hrimhrim in rak tho hna seh an ti, tiah a rak chimh. Cuticun Count Sigfrad khua cu khuaza in aa tuai i a nupi Genivi hawi cu a tih tuk le a thin a phan tukah a hmai zong a daang dih. Count nih khulrang tein a ram ralkap vialte a auh dih hna i an hriamnam he an rak phan dih. Count Sigfrad nih raktuk i a kal kar ah an khua chung uktu ding le zeizongah aiawh tha tein a chiah tak hna. A ralkap vialte cu an innpi hmai tual ah a dirter hna i a phung a si tawn bangin a nupi nih Count sinah cun ngun nam a pek. Anupi nih cun a ram le a Pathian caah sualnak a ngei loin hna chanh dingin va kallaw, raltha ngaiin, va kallaw Pathian nih ngan damnak in pe ko seh a ti i a vapa cu a liang in a hun kuh.
Count zong nih, “Ka dawt bikmi Genivi, na thinphang hrimhrim hlah; Pathian nih khua a khan lai i a ho kut hmanh ah ka thi lai lo” a ti. Genivi nihcun, “va thi sual law zei tindah ka rak um hnga” a ti i a hmai aa hup i a t’ap. Count nih, “Pathian kan tih poah ahcun a hohmanh tih ding an um lo. Kan ram zohtu dingah mifel ngaite pakhat ka thim cang i cu pa cung zongah Pathian nih a zohkhenh ve lai. Hnangamte in rak um ko. Pathian belte rak philh hin hlah. Pathian sinah thla rak ka campiak zungzal” a ti. Muko fakpi in an hun tum i ralkap rual pipi cu an kal dulmal. Genivi nih an liam hlan lote a conh hna. Cu ni cu chun nitlakin a tap.
Part III a ra som lai….. Rak hngak hrih
Ref:: Rev. John Siam Lian
Reading your article has greatly helped me, and I agree with you. But I still have some questions. Can you help me? I will pay attention to your answer. thank you.