A Lal Le Dangte Tuanbia
A hlan ah Dangte le a nu le a pa an um. Dangte a pacu lo ah an kal i lo an thlawh lio ah Dangte nih bawnbok rau ir-arite khi a hmuh. “Ka pa mah tluk ai dawhmi tlangval an um hnga maw” tiah a hal. “Thlang ah A Lal belte a um” tiah a ti.
Dangte cu Uitlak phaw ai khuh i A Lal te khua ah a kal. A Lal te inn chak in zan ah “ciap-ciap-ciap” tiah a awn. A Lal nu nih “To aw rual hna, kan arkhuh tling maw” tiah a salle cu a hal hna. A salle nih an arfa rual cu an va zoh. “Khuah khat, khuah hnih an tling ko, Uitlak belte inn chak ah a bok ko” tiah an ti. “Uitlak cu hun la tuah u” tiah a ti hna. A Lal nu nih cun Uitlak cu “Ar fang hngah tal na țhahnem hnga maw” tiah a hal. “Țhahnem zo lai pe pei” tiah a ti. A Lal nu nih Dangte cu a salle rual he tuksop le taife cawhmi rawl a pek tawn hna. Dangte cu inn pawngah a kal i tuksop le taife cawhmi rawl cu a hlonh i a hun i phurhmi hnuhnun le banthlum a ei tawn.
Nikhat cu A Lal sia a khal. “Ahodah A Lal rawl a pe lai” tiah A Lal nu nih a ti hna. Dangte nih “keimah nih ka pek lai” a ti tikah a salnu le rual nih, “Nangmah Uitlak ngelcel i kan Ța rawl pek cu phar hrethrut in fihnung teifiak in” tiah an ti i tlu deng in an nam an chuih len. Asinanin Dangte nih cun “keimah ka kal ko lai” a ti peng caah Dangte cu an kal ter. Ramlak ah cun A Lal cu rawl a va pek. A Lal nih pipian a sih i sia khalh phah i umhar caan ah a pipian cu ai awk țheu tawn. “Dangte, khika ah khin sia ka va zoh ta lai” a ti i a kal. Dangte cu a phaw a chiah i pipian ai awk phahah hla a sa.
‘Pipian ka awk law, thluaipar ah
Minu ka zoh le peu dingdeng
Mipa ka zoh le puar pengpung
Aho ngeih vangah, A Lal ngeih vangah’ tiah hla ai sak phah in pipian cu ai thui. A thilhlawm cu a tleu in a tleu i thing le ram cu cerh zukmak in a um. Cu tikah A Lal nih a hlasak cu a hun theih i ahodah a si hnga tiin rianrang in a hung tli. Dangte cu a tum zokzok i a phaw te cu ai khuh. A Lal nih “ahodah pipian ai awkmi cu a si” tiah a hal. Dangte nih cun “Ai, keimah te hmanh ka mitfah he ka hngal lo” tiah a ti ziar. “Khan,Dangte ahohmanh pipian awkter hna hlah, na awhter hna a si ah cun nangmah kan thuat lai” tiah a ti i sia khalhnak ah a kal than. A kal cangka in Dangte cu ai awk than i hla a sa. A Lal nih a hlasak cu a hun theih i rianrang in a hung tli i Dangte cu a tum than “Ahodah pipian ai awk than” tiah a hal. “Keimah te hmanh ka mitfah he ka hmu lo” tiah a ti than. A Lal cu sia zoh ah cun ai kalter i ahodah pipian ai awk mi cu a si, ka hngalh ahcun ka nawn hrimhrim lai tiah thingkung phen in a bawh ko. A Lal a kal cangka cun Uitlak phaw cu a chiah i pipian cu a hun i awk. A thilthuam le a țhihlawn nih cun thingram cu a cerh in a cerh. A muidawh cu chim awk a țha lo. A Lal nih a hun hmuh ah cun a khuaruah a har i a lung a suk-hai. Ka mang maw, ka cang hme, tiah a takoum cu ai sik len. A tli manh sual lai tiah rianrang in a hnu lei in a hun pel zokzok. A hun tlaih i Dangte nih cun, “Ka thlah” tiah a hun ti. “Thlah hlah” tiah fek thup in a kuh. “Hung ka thlah ko” tiah Dangte cu a cawl. Fek chinchin in A Lal nih cun a tlaih. “A si ah cun nupi ah maw na ka duh far ah dah” tiah a hal. “Nupi ah kan duh” tiah a leh.
Inn ah an tlung. A Lal cu a paw ai fahter i thi deng in a ai. A nu le a farle a salle rual cu an thin a phang i um tu awk an hngal lo. A Lal nih “Kan inn thlang nuhmeinu sinah li va ting u, ka thi ko lai, ka celh bal lai lo” tiah a hrum a ai. Rianrang in a nu le a farle cu an vung kal i nuhmei nu cu li an tinter. A lal le Dangte nih an rak chimh cia bantukin nuhmei nu nih cun “Dangte he an ih tti lo ahcun a dam kho bal lai lo, a thih zong a thi kho men” tiah a rak chimh hna. A farle a nu le sal rual nih cun hi tluk Uittlak ngelcel, phar hrethrut fihnung teifiak in kan tta sinih ih lai cu an ti i Dangte cu an nam len. Asinain A Lal damnak an duh caah A Lal sinah an ihter nain sumkhal khal kua le arbawm bawm kua in an dan hna. Zantim hrawng ah A Lal nih sumkhal le arbawm cu a hlonh dih i hmunkhat ah an it ti. Dangte cu a khel a hun i leh ah hin “ku chur” “cher chur” tiah a ring. A Lal nu nih “To aw rual hna kan hlawm bukbau tling ra maw?” tiah a ti hna. A salle cu rianrang in an tho i bukbau chung thilhlawn cu an zoh. “A tling ko” tiah an ti. Zan khuadei a khel aileh fate cu “cher chur” tiah a ring. A al nu le a salle rual cu bukbau thil an zoh lengmang caah zan khuadei hngilh loin an um.
A thaizing khua a dei hlanah Dangte nih a paw chiahnak ah a phaw cu ahawl len nain a hmu lo. A Lal nih a tlite in mei ah a phaw aw a khangpiak. A Lal nu le pa cu an hung tho. dangte țhihlawn nih cun a cerh hna i n mit deudar a chonh an zoh ngam lo. An ningzah chuk ah A Lal pa cu chakchang tangah zu ai bawhter i ai thup. A Lal nu cu inn lakah lo ko ai len ter. Dangte nih “Ka pa hi zeidah a ti hnga” tiah a ti. “Ka fa inn zu ka bawh e hika ah ka um ko” tiah a hun ti i chakchang tang in a hung chuak. A nu cu a hung lawi “ka nu, zei hen na ti” tiah Dangte nih cun a hun ti. “Ka fa, thilnu ka va hal ta e” tiah a ti. A Lal farle sal rual cu an mit an au ngam lo.
Sau ngai nawn an um hnuah A Lal nih mit par ngeih bia ah Rum Can a țhit. Cu tikah Dangte cu a pa sinah a kal. Rum Can cu mi thilpuan le mi thilhlawn hlanchom in ai thum i mi ngeingai bantukin ai umtermi ngaknu a si. Cu ti a si cu A Lal nih a hngal lo i a țhit sualmi a si. Rum Can cu A Lal sinah a um cangka cun pakhat an hung “Rum Can, ka ți nai hlanmi ka pe cang” an ti i a pek hna. Pakhat an hung “Rum Can, ka saka le ngun lawngka nai hlanmi ka pe cang” an ti i a pek hna. Cuticun an ti lengmang i hnika congnak puan zongin a pek dih hna i thil chiahru hmanh a tang ti lo, a taw lawngin a um. Cu tikah Rum Can cu a mak țhan.
A Lal le a hawile cu va an pel i a hlan a nupi Dangte te inn pawngah an phan. Dangte cu a pa nih a sam sathau a thuk, tha tein a hriah i a cawite par ah a mawle he thiam an tak i an nihkhenh he capo bia an chim i a tur in an tur ko. A Lal nih cun “Ka dua le, ahodah a si khika i thiam a takmi ngaknu dawh ngai te khi” tiah a ti. “Ka dua, na an kheng nu cu hme teh” tiah an ti. A hawile nih cun “Ka dua, na hngal in” tiah an ti. A Lal cu a va kal i “an kheng nu” tiah a auh țhan innchung ah a thinhun in a luhtak. A nu nih, “Ahohen a si, țha lopi tal cun hei hawi hen” tiah a ti. “hawi-hawi” tiah a hawih. A Lal nih cun Dangte cu a kawh țhan. Dangte pa nih, “Na nu ka man” tiah a ti.
ALal hla; Nupi an thit ah an nu le maw an man tawn; chaw tha hauleh u; ngun chin khup tiang ka man lai.
Dangte pa hla; Nan ngun chin khup cu zei ah khin maw nan hei rel, kan pam zawn ah cun rawl rel khat ah kan zuar men.
Dangte pa nih cun, “Ka fanu a hmulotu na salnu pahnih le țolhțang rel khat hun ka man” tiah a ti. A salnu pahnih le țolhțang rel khat cu a manh i Dangte cu khi ka ah a kalpi.
Dangte pa nih salnu pahnih hna cu thingtlang in a khan hna. “Nanmah hi maw ka fanu a hmu lo bik tu nan si, ka fanu nan hei nam, nan hei chuih len mu” tiah a ti i țolhțang rel khat cun chun nitlak chai in a chaih hna.
A Lal le Dangte cu nuam ngai in an um țhan i bawite an bawi, khuang an cawi.
Ref:: Chin Tuanbia App
I know this web page gives quality dependent articles and extra stuff, is there any other web page which offers such stuff in quality?
You ought to take part in a contest for one of the greatest blogs on the web. I am going to recommend this site!
If you are going for most excellent contents like me, simply pay a visit this web site daily because it gives quality contents, thanks
Hi mates, pleasant post and nice arguments commented here, I am in fact enjoying by these.
It’s appropriate time to make a few plans for the long run and it is time to be happy. I have read this post and if I could I wish to recommend you few attention-grabbing issues or suggestions. Maybe you can write subsequent articles regarding this article. I want to learn even more things approximately it!
It is in reality a great and helpful piece of info. I am glad that you just shared this helpful information with us. Please stay us informed like this. Thank you for sharing.
Hey I know this is off topic but I was wondering if you knew of any widgets I could add to my blog that automatically tweet my newest twitter updates. I’ve been looking for a plug-in like this for quite some time and was hoping maybe you would have some experience with something like this. Please let me know if you run into anything. I truly enjoy reading your blog and I look forward to your new updates.
Hi, constantly i used to check web site posts here in the early hours in the morning, as i like to learn more and more.
Quality articles or reviews is the main to invite the people to go to see the web page, that’s what this web site is providing.
What’s Taking place i am new to this, I stumbled upon this I have found It positively helpful and it has helped me out loads. I am hoping to give a contribution & assist other users like its helped me. Good job.