Zuam Sinh Rengreng Aw

1 min read

Zuam Sinh Rengreng Aw

Vei khat ah siangpahrang pakhat in a fapa (10) lakah zo in a siangpahrang tohkham a run co ding mi hril a duh. Curuangah a khonbawl upa pakhat thawn a thupte’n an ron aw ih, a khatlam khatlam ah tili a um veve mi lamzin par ah lungto tumpi pakhat an ret.

Cumi lamzin zawhtu tapoh cun lungto cu an kan ding maw? An ṭhawn ding maw? An hel ding maw? Pakhatkhat cu an tuah a ṭul.

Cuthluh in siangpahrang in a fapapawl cu pakhat tete’n a ko ih a khonbawl upa hnenah thuthup ca pakhat cumi lamzin ihsin a va pekter hai.

Siangpahrang fapapawl cun ca cu khonbawl upa hnenah an pe thleng thluh. An ra kir thluh hnu ah, “Fa le tla, khami lamzin kha ziangtin nan kan?” tiah a sut hai.

A fapa pakhat cun, “Lungto parah ka kai ih ka feh”

A dang pakhat in, “Tili ihsin vokkuanglong to in ka hel”

A dang ṭhenkhat in, “Tidai leuh in kan hel” tiah an let hai.

A nautabik cun, “Lamzin zawh in ka feh,” a ti tikah siangpahrang in, “Lamzin ah lungto tumpi a rak um lo maw?” tiah a sut. A fapa cun,

“Lungto tumpi kha tha suah ih ka tul tikah tiva sungah a vung ril tla,”

“Khatluk ih lungto tum kha kut ih tul tla thei ding in ziangtin na ruat thei?”

“A ngah pei maw tiah ka vun zuam sinh menmen. Asinan ka tul vete’n lungto cu a ril mei.”

Taktak ahcun siangpahrang cun a khonbawl thawi’ ron aw in thilri zangkhaite hmangin lungto tumpi lem an rak tuah mi a si.

Thuanthu pangai vek thotho in, a netnak ahcun zuam duhnak a neitu fapa nautabik in siangpahrang a run ṭuan ngah.

A ngah pei maw ngah lo ding ti hman ih vun ti sinh lo, hivek cu a ngah lo tlangpi ti men ih ruat lok mei, mi in a ngah lo an ti ruangih a ngah lo taktak ah ruat ve mei, tivekpawl hi thil ṭha lo an si can a tam thei zet.

Sirhsan: http://www.estherkying.blogspot.com/2013/11/blog-post_9663.html

5 Replies to “Zuam Sinh Rengreng Aw”

  1. For my thesis, I consulted a lot of information, read your article made me feel a lot, benefited me a lot from it, thank you for your help. Thanks!

  2. Looking forward to reading more. great article. Really looking forward to reading more books. cool. I really enjoy reading a thought provoking article. Also, thanks for allowing me to comment!

  3. Reading your article helped me a lot and I agree with you. But I still have some doubts, can you clarify for me? I’ll keep an eye out for your answers.

  4. Your article gave me a lot of inspiration, I hope you can explain your point of view in more detail, because I have some doubts, thank you.

Leave a Reply

Your email address will not be published.