Pa Fa Rual Thuanthu

Pa Fa Rual Thuanthu

Khua pakhat ah Pafa rual an rak um. An pa cu a tar zetzo ih a thi zik thlang curuangah a fale pawl cu a ko hngai ih, “ Fale uh, funghreu pakhat cio rak keng uh” tiah a ti hai.

An pa ih thu pek vek cun funghreu pakhat cio cu an pa hnenah an rak keng. An rak kenmi funghreu cu a tom hnuah “Ka fale uh, hi funghreu tom mi hi khiak hnik uh” a ti. A fale pawl cun heh leh heh tiah pakhat hnu pakhat cun an khiak ih an khiak thei lo.

An pa nih cun, “Hi mi funghreu tom hi phoih uh la pakhat tluan khat cio in khiak uh” a von ti sal. A fale cun funghreu cu olsam tuk in an khiak thei thluh. An tha-awklo, an hrangah a olsam tuk.

An pa cun, “Ka fahniang le zoh uh, nan hmu ko lo maw. Nannih khal thingtom vekin nan unau zaten a tom i nan komh awk ahcun zohmanh in an lo khiak thei lo ding. An lo hmuhsuam(zawmtai) ngamlo ding. Asinan funghreu tom nan phoih mi bangtuk in nan phoih(thekderh) aw ih nan lung a rual lo a si ahcun mi in olsam zetin an lo khiak thei hngai ding. An lo zomtai(hmuhsuam) thluh ding a si. Curuangah pakhat le pakhat lungrual zet in nan um ding i pakhat le pakhat nan upat ringring ding” tiah thu a cah ta hngai.