Umhmun Dik
Kalauk pinu le a fate cu an it huahhi. Tawkfang ah a fate in, “Nu, thu malte ka lo sut ding aw?” a ti.
“Aw, ziangsaw na theih duh?”
“Ziangahsaw ṭhungh kan neih?”
“Kannih cu nelrawn ih um rannung kan si. Curuangah kan ṭhungh ah tidai kan khawl thei ruangah nelrawn ramcar khal ih kan nun theinak a si”
“Asile kan ke hi ziangruangah a sau ih, kan kezung hi an bial?”
“Ka fa, kan kepawl hi nelrawn ih fehnak hrangah an ṭangkai zet. Hivek ke kan neih ruangah midang hnak in nelrawn ah kan feh cak thei sawn.”
“A va ṭha ve. Asile ziangruangahsaw kan mithmulpawl hi an sau thliarthliar. Vei hnihkhat ahcun khawhmuhnak a hnaihnok.”
“Ka fa, kan mithmul sau pawl hin kan mit sungah vunnelpawl rung lut lo ding in an rak kham.”
“Aw, ka theithiam zo. Ṭhungh cu nelrawn ih feh can ah tidai khawlnak ding, kepawl cu nelrawn ih fehnak ding an si ih, mithmulpawl cu kan mit humhimtu ding an si. Asile himi ramsa hmuan ahhin ziangsaw kan ti?”
Himi thuanthu cun kan thiamnak, tlinnak, tontehnak tivekpawl hi anmai’ umhmun dik ih an thlen lawng ah an ṭangkai ti in sim.
Sirhsan: Admin (Nay-sa-hnit kyakyat twe-khaw) – “Umhmun Dik”
Siang Lian Uk Kianghrol
