UITLAK TE ( Tuanphung )

4 min read

UITLAK TE

Hlan lioah fanu panga a ngeimi siangpahrang a rak um. An khua pawng ah nuhmei nu nih fapa pakhat a rak ngei ve. Amin ah Utlak a si.Utlak tenih cun ka nu siangpahrang fanu hung ka halpiak tiah a fial. A nu nih cun ka fa zeitindah siangpahrang fanu cu kan halpiak ngam lai, a hi kannih chung hna nih va hal hna usih law nihsawh ah an ruah lai i an thinlam kan hunter hna lai a ti.

Afapa nih cun aduh lo I ka halpiak ko tiah a ti lengmang. A donghnak ah siangpahrang inn ah cun thinphang ngai khin ai thawh. Siangpahrang inn ah cun a va lut. Siangpahrang nih cun zeikodah a si, ka chim zau tuah, a ti. Siangpahrang na hawi hmah khah a si lo nain ka fapa nih na fanu a duh tuk I hung ka halpiak ko a ka ti peng caah ka ra ko hih, a ti . Siangpahrangpa nih cun  na fapa cu a min hodah si tiah a vun hal I, Utlak a si tiah a leh. Siangpahrangpa nih cun a cu Utlak hrang I ka fanu hal cu dah ngai, a ti I a thin a hung tuk. Asinain, nupi hal I thinhan hnawh cu a tha lai lo tiin an tuah khawh lo ding thiltu tuah ka fial hna lai tiah khua a ruat. Khah, a si le ka fanu nan duh taktak ahcun tuzan bak ah ka inn velchum le ka lam lam vialte hi simit in tleu dul nan hnuai dih lai, nan hnuai khawh lo ahcun nan nufa kan thah han lai, nan hnuai khawh tu ahcun ka fanu cu kan pek ko hna lai tiah a leh.

Utlak nu cu inn ah a mitthli he a tin. Ka fa kan thih can a phan ko cang khah, a si kho lai lo kan ti lengmang nan duh lo, a ti i a tap thluahmah. Utlak nih cun,zei an ti I tiah a hal peng. Anu nih chim men lo cu tiah, ka inn velchum le ka lam vialte tuzan hrimhrim ah simit in thleu dul nan hnuai lai, nan hnuai khawh ahcun ka fanu kan pek hna lai a ka ti, a ti.

Zan cu an hong it i, Utlak nih ka nu khah, siangpahrang inn ah cun va kal rih kun tiah a fial. A nu nih cun kan thih ding vekvek, ka fapa duhning le tining paoh in um cang ko usih ti phun khin ceuka nawn in siangpahrangpa inn lei cu a panh.

Siangpahrangpa cu zingte in a tho ve a inn velchum cu simit in tleu dul aa hnuai dihm a lam vialte zongi hnuai dih kaw, a khuaruah a har tuk. Nizan a biachim a lung a hong pem, Cu vial ah Utlak nu zong cu an inn a hong phan ve.

Siangpahrangpa nih cun a fanule kha a auh hna I ka bia kam a si bang, pakhawhkhat paoh nih Utlak hi nan vat a hau a ti hna, Upa nu a fial I a duh naisai lo, a pahnihnak kha a fial than I zeitindah Utlak cu ka duh bal hnga a ti I aa chang tur ve. A nau deuh nanmah tal a ti I a duh naisai ve lo. Siangpahrangpa cu a lung a dong tuk cang I nan duh lo ah cun kei mah an ka thah ko ne lai a ti hna I lung rawk ngai khin a um. Tlawmpal ah a hniang bik nute nangmah tal na kal lo a ti I, ka pa nanmah thihnak cha cun keimah ka kal ko lai a ti I Utlak te nupi dingah cun aa thawh. Lam pi ah Utlakte a dih mi a si lai tiah, cangcel le rungrul tepawl a kawlpah I Utlak te inn cu a phan, Utlak te cu umpu chung ah cun a rak um. A putmi te cu a hei pek I cuticun hmun khat te ah an um Utlakte nupi le Utlak nu cu nichiar lo ah an kal peng I lo lam an thunpah ah cangcel te cu a rak put peng.

Voikhat cu siangpahrangpa fanu te cu lo ah a kal I tlaitlan cung in khua a cuan I siangpahrang thuam he a rami tlangvalpa a hmu I khipa khi hika hin ra selaw tis a duh a thah liopi ah cu pa cu a sin a hong phan taktak. Ziah, singpahrangfanu na si lo maw hika cun zeidah na tuah a ti I Utlak nupi nih cun, Utlakte he pei kan I umh cu a ti, Siangpahrang thuam in a um mi tlangvalpa nih cun, ra keiamh hei I um sih kan zam lai a ti, Utlak nupi nih cun a dih naisai lo. Tlangval pa cu a tlung I cu tlawmpal ah cun Utlak nupi zong cu tlun aa thawh ve. Lampi a cangcel a kawlpah. Inn cu a phan I umpi chung Utlakte cu cangcel cu a hei pek, Nikhah cu Utlak nupi le a nu cu lo ah an kal. Utlakte cu a rak chuak I leng I a vahnak ah eek inn chung ah a tla ai. Zanlei lo lam an tlun in umpu chung cu an zoh I Utlak a um ti lo.  A nupi nih cun a kawl I zumpot chung ah a va hmuh. Cengceh in a ceh I a kholh hirhiar hnu ah umpu chungah cun a chiah than.

Ni khat cu rawl ei awk an nei ti lo I Utlak nupi nih cun zeikhom a si ah ka pale sinah ka va tlung lai I raw lei awk ka va hal hna lai a ti  I an khua lei ah cun aa thawh. Utlak nupi an khua a thun kar ah Utlakte cu tlangval muidawh taktak ah a rak I cang, an inn zong tlakrawh inn tha taktak ah a rak I cang ,

Utlak nupi cu a pa le a ralkap pawl nih an khua ah an hon zul. An khua an phan nain Utlak nupi nih an inn a hmu ti lo I a kawl len lioah khin Utlak nu nih a hei auh hna. An inn an phan cun, Utlak nupi nih lampi I cangcela kawlmi kha a thlite in a pasal cu ka pek lai tiah umpu lei ah akal. Asinain a hmu ti lo, lau ngai khin a nu cu a hal I, a nu nih na pasal cu na pa he aa chawn chuahmahmi kho pei a si cu a ti, Utlak nupi nih cun a von zoh I nikhat lio I lo I a rak hmuhmi tlangval dawh tuk a si kha a von theih.

Utlak nupi cu aa lawm tuk hrianghran. Ka pa bi aka ngaih caah Pahtian nih thuachuah a ka pek a ti I Pathian cung zongah aa lawm tuk. Siangpahrangpa a von zulmi a fanule bel an nah a chuak tuk hringhran. An naunu pasal hmai ahcun mark laak an I tim, kanmah hi kan uar she ti phun khin an I tamh, an I thatter nain an naunu pasal nih cun a mitphei hmanh in a zoh duh hna lo I lungfaak le vansan bu in khua leiah an kir ti a si.

Utlak nupi cu nau a pawi fapa te an ngei. Cuticun nikhat hnu nikhat, an liangngan chin lengmang I an ram ah minthang bik le aa nuam bik innchungkhar ah an I chuah ti a si. Cuvial le engza.

42 Replies to “UITLAK TE ( Tuanphung )”

  1. Pingback: 2indivisible

Leave a Reply

Your email address will not be published.