Thlalang Ih Zohawknak

1 min read

Thlalang Ih Zohawknak

Nikhat cu hnaṭuantu pawl kha zung an thleng ih sangka tlun ah ruahnak ṭha zet tarmi an hmu. Cucu:

‘Hitawk company sungih na thansohnak lo dawnkhamtu pa kha mizan ah a thi zo. Vuinak tuah ding kan si ruangah nan zaten ra tel cio dingin kan lo sawm’.

A tir ahcun an hnaṭuanpi pakhat a thi ti an theih tikah an riahsia zet, asinan tawkfang cun zo si kan thansohnak in dawnkhamtu cu a si timi theih an cak zet. Mithi ruak cu amah ih umnak khan ah thingkuang thawn an ret. Mithi vuinak ding hmun cu palik pawl buainak um lo dingin an kil. Zo si kan thansohnak in dawmkhamtu timi theih duh ah mipi cu a bur a bur in an ra luihho. Mi tinkim in “zo si cuvek mi cu, kan thansohnak in dawnkhamtu” cu tiah thu an sut aw ciamco. An zaten in a ruak retnak an zoh tikah an mang a bang tukih a ṭong dan ding an thei nawn lo. A ruak retnak sir ahcun dai khepkhep in an to, tuar na ding awm tak vek khin!! Cun mithi ruang retnak sung ahcun thlalang a um. Mitin kim in an zoh tikah mai hmulhmel fingfing an hmu aw.

Thlalang sir ahcun hminsinnak pakhat a um. Cucu hitin a ngan aw, “na thansonak ding lo dawnkham theitu pakhat lawng a um. Cucu nangmah hi na si” ti a si.

Nangmah lawngin an hringnun na thleng thei. Na lungawinak le na hlawhtlinnak ding siseh, mah le mah theihawknak khal hi nangmah ah a thum aw ih a um a si. Na hringnun hi nangmah lawngin na bawm thei. Na boss pa ih nunnak a thlengawk tikah na nunnak a thleng-aw ve lo. Na rualpi a thlengawk tikah, na thleng aw ve lo. Na company a thlengawk tikah na thlengaw ve lo. Nangmah ih thlengawknak ding mi parah nangmah hi na thupi, ṭuanvo na nei ti na theihawk tikah na hringnun a thlengaw a si. Na hringnun ah pehzom awknak ṭha bik na neih thei mi cu nangmah hi a si.

Zir theimi: Leitlun hi thlalang vek a si. Na zum mi le na tuahmi pawl ziang an si ti a lo theihter sal ṭheu.

Source: Unknown 

5 Replies to “Thlalang Ih Zohawknak”

Leave a Reply

Your email address will not be published.