Ralkap Pakhat Ih Thuanthu

1 min read

Ralkap pakhat ih Thuanthu

Ralkap pakhat hi Vietnam ram ih ral an do hnu ah inn lam tlung ding a si thlang. San Francisco ihsin a nulepa cu phone in a bia. “Ka nu le ka pa, inn ka ra tlung thlang ding, asinan lo dil duh mi pakhat ka nei. Rualpi pakhat kan inn ah rak hruai ka duh ih a cang thei pei maw” a ti. Annih in, “aw a ngah tuk. Rak hruai aw, ka hmel tla ka hmu duh ee” tiah an ti.

“Ka lo dil duh mi pakhat a um hrih, raldonak ah a tuahmawh aw ih hliamhma thawn a um. A kut le a ke tla mi nih an tuahmawh ngah ruangah kut khat lam le ke khat lam nei lo a si. Khui hman a feh thei nawn lo ruangah kan inn ah keimah thawn um tlang dingin ka duh” tiah a dil.

“Sorry tuk, ka fa. Hmun dang ih a um thei dan ding kan ngaih tuah thei ko. Asinan kan inn ahcun cuvek mi cu a ngah lo ding” tiah an sawn sal.

“A si lo, ka nulepa, ka hnen ah um dingin ka duh ee” tiah a ti.

“Ka fa, ziangmi na sut himi hi na theifiang lo a si” tiah a pa in a let. “Cuvek milai cu kan hrangih harsatnak in petu men a si ding. Kan thuthu in nuam zetih nun theinak kan nei. Cuvek mi nih kan innsang in ra hnaihnok ding cu a si thei lo” tiah a sawn. “Himi pa hi theihhngilh in nangmah lawng inn ra tlung ko aw. Anih khal amah ten lamzin dang a hmu mai ding” a ti.

Cumi hnu cun an fapa in phone a thlak. A thuhla an thei nawn lo. Ni rei lo te hnu ah, Francisco palik hnen ihsin a nulepa in thu an dong. An fapa cu inn sangpi ihsin a tla ih a thi timi thu an dong. Palik pawl cun amah tei that-aw dingah an zum.

Lusun a tongtu nulepa cu San Francisco ah feh in an fapa ih ruak cu an zoh. An riah a si zet. Cun an fapa in ke pakhat le kut pakhat lawng a nei ti kha an theisuak cih.

Zir theimi: Mi tampi cu himi thuanthu sungih nulepa vek kan si. Mi mawi le mi ṭha cu kan duh awl zet. Asinan harsatnak in petu cu kan hua. Mi farah, tuamhlawm ṭul le tawitai pawl cu kan hnen ihsin va tlan hlo aw tiah kan ti mai ṭheu. Asinan lungawi thlak zet a simi cu cuvek ih in ti siang lo tu milai an rak um thotho. Kan phu lo le tling lo cingin anih cun in duhdawt ih a inn sungsang sungih va um ve dingin in sawm. Curuangah tui zan cu na itthat hlan te ah, midang kha an sinak vek cekci ih na cohlan theinak dingah le miphun dang le hnamdang pi par khal ah theihthiamnak dik na neih sinsin theinak dingah Pathian hennah cahnak dil aw.

Ralkap pakhat ih thuanthu

Source: History for kids

3 Replies to “Ralkap Pakhat Ih Thuanthu”

  1. Having read this I believed it was really enlightening.I appreciate you finding the time and effort toput this article together. I once again find myself spending way toomuch time both reading and posting comments.But so what, it was still worthwhile!It’s awesome designed for me to have a web site, which is valuable for my knowledge.thanks adminI’m not that much of a online reader to be honest but your blogs reallynice, keep it up! I’ll go ahead and bookmark your website tocome back in the future. Many thanks

  2. I have read your article carefully and I agree with you very much. This has provided a great help for my thesis writing, and I will seriously improve it. However, I don’t know much about a certain place. Can you help me?

Leave a Reply

Your email address will not be published.