Na Venghnen Duhdawt Aw

1 min read

Vei khat lai ah, lothlopa le ramtawipa hi venghnen aw in an rak um. Lothlopa cun rampaipawl a vulh hai ih, ramtawipa cun a ramtawih thluntu ding ah ramtawih uico pawl a vulh hai. Ramtawipai’ uicopawl cu vei tam zet lothlopai’ hmuan sungah va lut in a rampaipawl an va dehsak ṭheu.

Lothlopa cun ramtawipai’ hnenah a uicopawl in a rampaipawl an deh ṭheu ruangah a uicopawl cu kharhkhum hai ding in vei tampi a sim ṭheu nan ramtawipa cun a ngaihsak cuang lo. A netnak ahcun lothlopa cun a tuar nawn lo ih ramtawipai’ uicopawl cu cawhkuanter ding in khaw lalpai’ hnenah a va dil.

Cutikah khaw lalpa cun, “Ka lo cawhsak ngaingai ahcun rualpi ṭha pakhat, venghnen ṭha pakhat na can (sungral) thei ih, ral pakhat na neih phah thei. Na ral thawn venghnenawk maw na duh sawn, rualpi thawi’ venghnenawk na duh sawn?” tiah a rak sim.

Lothlopa cun, “Rualpi thawi’ venghnenawk ka duh sawn,” a ti.

Cutikah lalpa cun, “Asile ka lo pek mi ruahnak hi thlun aw. Na rampaipawl khal an heu nawn lo ding ih, rualpi ṭha pakhat khal na ngah bet ding,” tiah ruahnak a pe.

Cutin, lothlopa cun lalpai’ ruahnak pek mi cu a thlun ih, inn a thlen vete’n a rampai mawibik pathum va hril in ramtawipa cu laksawng ah a va ṭhen.

Cutikah ramtawipa cun a ngah mi rampaipawl a uicopawl in an deh a phan ruangah a uicopawl cu a kharhkhum hai. Lothlopai’ par khal ah a lung a awi zet ih, a ramtawihnak ihsin sa a ngah tikah lothlopa tla a hleh ve phah ṭheu thlang. Lothlopa khal in a neih mi thlairah thlaihnah pawl a rak cawih ve. Cutin nuamtete’n an rem aw vivo, an nel aw vivo ih rualpi ṭha zet ah an cang ta.

Kan pipu thufim ah, “Venghnen do hnakin khaw sarih do” timi a um. Mai’ venghnen thawi’ remawk lo cu khaw dang pasarih thawi’ remawk lo hnak in a har sawn tinak a si. Asile zosaw kan venghnen cu?

“Zosaw kan venghnen cu?” timi ṭongkam kan hmuh tikah mi tampi cun Bible sungah himi ṭongkam a um ti kan thei cih cio ding. Himi thusuhnak sonnak ah Jesuh in Samari Mi Ṭha tahṭhim thuanthufim (parable) a sim hngehnge kha.

“Na venghnen duhdawt aw” timi Jesuh Khrih ih ṭongkam khan kanmah thawn a pehpar mi, le kan bomnak a ṭultu pawl a kawhhmuh thluh ruangah taksa le a lang mi dinhmun ih kan venghnen lawng si lo in, hmuntin kan veivahnak le kan tlanlennak ih kan venghnenpawl khal kan duhdawt thei a duh um nasa.

Sirhsan: “Rualpi Ttha Hawldan” – The Express Time (from Myanma Spectrum’s Facebook Wall)

Siang Lian Uk Kianghrol

3 Replies to “Na Venghnen Duhdawt Aw”

  1. My colleague shared your article with me and I found it very useful after reading it. Great article, it helped me a lot. I also hope to make a beautiful website like your blog, hope you can give me some advice, my website:
    gate io gard

  2. I am currently perfecting my thesis on gate.oi, and I found your article, thank you very much, your article gave me a lot of different ideas. But I have some questions, can you help me answer them?

Leave a Reply

Your email address will not be published.