Tisartam le Zawng Thuanthu

1 min read

Tisartam le Zawng Thuanthu

Siang Lian Uk Kianghrol

Hlan lai ah tisartam pacang pakhat ih nupi cu bese zet in a na. “Zanriah hrangah zawng ih thin le lung ka ei ngah lai hlan lo cu ka damsuah thei ka zum lo,” tiah tisartam pinu cun a ti.

Cutikah tisartam pacang hrangah ummen a theih nawn lo. A nupi ih hiarhal mi cu hawlsuah thei a tum. Tiva pakhat kiang a va thlen tikah tiva kap thingkung parih lek rero zawng te pakhat a va hmu.

Cutikah tisartam cun ngian a suah ih, “Zawngte, tiva ih hilam cu umnak ṭha lo sokhaw a si. Tiva khatlam ahcun thingthei le banhla pawl tampi an um sawn. Ka zaang parah ra kai awla khilam ah ka lo thlah ding,” tiah a ti.

Cutikah zawngte cu tisartam ih zaang parah a vung to. Tisartam cun tiva ih khatlam ah a hei leuh. Asinan tiva laili a thlen tikah a cawl hrim. “Ka nupi in zanriah ah zawng thin le lung ei ta rori a hiarhal ruangah tidai sungah ka lo phim that a ṭul,” ti’n zawngte cu a sim.

Cutikah zawngte cun, “Tidai ah in phim that hram hlah. Khatlam thleng ding in i hruai sawn hram aw. I hruai thleng ahcun zawng thin le lung kop khat lawng si lo in, kop hnih rori in ka lo hawl sak ding,” tiah zangfah a dil.

Cumi cu tisartam in a lung a kim ve ruangah zawngte cu khatlam ral ah himdamte’n a hei hruai. Tisartam cun tiva ihsin a rak hngak ih zawngte cu thil hawl in a vak. Nazi hrek rei hrawngah zawngte cu a kut ah thil fatakte pahnih ralring zet ih keng in a ra thleng sal.

“Khah! himi hi zawng thin le lung kop hnih a si hi. Himi a ei ahcun na nupi cu a dam ding ka zum,” tiah tisartam u sim phah in a ken mi cu a pe. Tisartam pacang khal cun cumi cu tisartam pinu hnenah a pe. Tisartam pinu cun a ei thluh cih. A ei thluh cun a nat khal a dam.

Asinan tisartam pinu ih ei mi cu zawng thin le lung taktak a si lo. Ak-um rah ro pahnih men an si. Asinan a taktak ah ruat in thin diriam zet ih a ei ruangah a hiarhalnak a reh ih, a nat khal a dam phah. A ruahnak in a nat a damter.

Minungpawl lak khal ah tisartam pinu vek tampi kan um.

Sirhsan: The Crocodile and the Monkey – The Greatest Stories of the World that Will Be Told Forever.

3 Replies to “Tisartam le Zawng Thuanthu”

  1. I believe what you postedtypedbelieve what you postedtypedthink what you postedtypedthink what you postedwroteWhat you postedtypedsaid was very logicala bunch of sense. But, what about this?consider this, what if you were to write a killer headlinetitle?content?typed a catchier title? I ain’t saying your content isn’t good.ain’t saying your content isn’t gooddon’t want to tell you how to run your blog, but what if you added a titleheadlinetitle that grabbed a person’s attention?maybe get people’s attention?want more? I mean %BLOG_TITLE% is a little plain. You ought to look at Yahoo’s home page and see how they createwrite post headlines to get viewers to click. You might add a related video or a pic or two to get readers interested about what you’ve written. Just my opinion, it could bring your postsblog a little livelier.

Leave a Reply