1 min read


Vei khat ah putar pakhat in a venghnen mino pakhat cu rukru a si thu puh in a rel sia. Cumi thuzilzuang cu a karh vivo ruangah a venghnen mino cu kaihkhih a tong.

Ni tam a liam hnu ah mino cun sualmawhnak a neih lo thu a simfiah thei ruangah a ra luat sal. A luat sal hnu ah a venghnen putar cu dik lo zet ih a sualmawh a puhnak parah zu a ṭhum (thuṭhenzung ah thubuai a tuah).

Thuṭhenzung ih thuṭhennak hmun a thlen tikah putar cun thuṭhentu cu hitin a sim: “Kei tla cu ṭongkam men in silawm ka rel. Zohman ka tuahmawh lo pi.”

Thuṭhentu cun putar hnenah, “Na venghnen mino ih thuhla na rel mi hmuahhmuah kha cahnah pakhat parah na ngan thluh pei. Cu ṭheh in na tlunnak lamzin tluan ah cui’ cahnah cu thlekdarh in na hlon vivo ding. Thaisun ah thuṭhennak ngai ding in ra sal aw,” tiah a sim.

A thaisun ah thuṭhentu cun putar hnenah, “Thu ka ṭhen hlan ah mizansun ah lamzin tluan ih na hlon vivo mi cahnah them pawl kha na va hawlkhawm sal thluh pei,” tiah a fial.

Cutikah putar cun, “Cuvek in a theih lamlam lo. A them tetei’ ka hlon ih bet ah, thli a hrang fawn. Khai cahnah tlek them tete cu tu ah ziangtin ka hawl hmu nawn ding!” tiah a ti.

Cutikah thuṭhentu cun hitin a sim: “Khavek kha a si ko. Na rel mi ṭongkam mak lo te hman in minung pakhat ih zahumnak a siatsuah thei. A siatsuah mi tuah ṭhat ding cu na cahnah hlon mi hawl thluh a ngah lo vek ciah khan, a ngah ve lo. Curuangah mi pakhat ih thuhla kha a ṭhalam ih na rel thei lo ahcun zianghman rel lo ih um kha a ṭha sawn.”

Sirhsan: Hnai Yint Nwe 
Bulhram: I Can’t Believe It

Siang Lian Uk Kianghrol

6 Replies to “Thuzilzuang”

  1. Pretty portion of content. I simply stumbled upon your weblog and in accession capital to say that I acquire in fact enjoyed account your blog posts. Any way I’ll be subscribing on your augment or even I achievement you get right of entry to consistently fast.

  2. Hello I am so happy I found your website, I really found you by error, while I was researching on Digg for something else, Anyways I am here now and would just like to say
    cheers for a marvelous post and a all round entertaining blog (I also love the theme/design), I don’t have time to read it all at the moment but I have saved it and also added in your RSS
    feeds, so when I have time I will be back to read much more, Please
    do keep up the excellent work.

Leave a Reply