Thupsak Mi Ro Sunglawi

1 min read

Thupsak Mi Ro Sunglawi

the hidden treasure

Lothlo pa pakhat hi khua pakhat ah a um. Fapa panga a nei. An zaten an ze tukih zohman in a pa ih hnaṭuan an bawm dah lo.

An zaten thu an el aw, an to aw ringring. A pa hi a thinheng thei zet. A pa hin nun a sim hai ringring. Asinan zohman in a thu an lung duh lo, an nun kel in an nung ringring thotho. Nikhat cu a pa a na.

A fale pawl a ko khawm ih an zaten a hnenah cun an ra. A thu simmi ngai ṭha dingin an zaten a kiangah a toter hai.

A pa cun, “Ka fale paw, keicu ka tar thlang, tar lam ka pam thlang. Ka thi mai ding a si. Asinan ka lo sungah ro sunglawi, paisa thup mi tampi a um, khuinah ka ret ti khal ka theihhngilh hrih lo. Ka thih hnu le cui sumlepai cu run lai suak au” a ti.

Pa bik cu nihnih hnu ah a rung thi ngaingai. A fale cun lo sungih paisa cu an hawl rero. Lo sung cu an lai zawk rero. Asinan paisa cu zohman in an hmu thei lo.

Cui loram cu ṭha zet ih an laih zo ruangah cicinnak ah a ṭha zet ti kha an innhnen putar pakhat in a thei ruangah cutawk hmun ah sangphut cing dingin a fail hai. Putar pa ih fial vek cun an tuah ih an thil cinmi ihsin paisa tampi an ngah. Cutin a pa ih sim duhmi, ro sunglawi a ti mi kha an theithiam thlang. Cu hnu cun taima zetin hna an ṭuan cio ih nun nuam zetin an nung thei thlang.

Zir theimi: Harsat tuar timi a um lo ahcun hlawktlinnak timi hi a um thei ngaingai lo.

the hidden treasure

Source: The Hidden Treasure

Leave a Reply

Your email address will not be published.