Rinhlelhnak (Suspect)

Rinhlelhnak (Suspect)

Vei khat ah mi pakhat ih nazi a hlo. A inn sung ih a phelh ta mi a si ruangah mi pakhatkhat in an ruk a si tengteng ding tiah a ruat. Curuangah zo a si thei ding tiah a ruat. Cutikah an inn ih lut-suak ṭheu nauhakpa a si ding tiah a ringhlel. Cutin cu pai’ umtudan cu a thlingthla.

Nauhakpai’ fehdan a zoh tikah rukru fehdan, a thil zohdan khal rukru thil zohdan, a awkam khal rukru awkam vek ciah si in a hmu.

Asinan a thaisun ah a nazi cu a hmu sal. A phelh ih a retnak a rak theihhngilh ruangah sawn a rak si. Cumi can ciah ah an venghnen nauhakpa cu an inn kiang ah a feh. Nauhakpai’ fehdan khal fehdan zaran in a hmu thlang. Thil a zohdan khal a zoh ve menmen in a hmu.A ṭong khal ah ṭongdan zaran vek in a hmu.

Nauhakpa kha a umdan a thleng aw cuang lo nan, a zohtu in rinhlelhnak mit thawi’ a zoh lai, le rinhlelhnak um nawn lo mit thawi’ a zohdan cu an thlau aw verver. Rinhlelhnak hin mi pakhat le pakhat karlak ah thubuai hlabuai tampi a suahter thei.

Sirhsan: Mg Sai – “Rinhlelhnak”

Siang Lian Uk Kianghrol