Vapual
Lairawn Zilthli

Na Hmuhdan Thleng Aw

1 min read

Na Hmuhdan Thleng Aw

Vei khat lai ah milian tontaw pakhat cu a mit a nat ruangah a thin a har thei zet. Sibawi thiam zetzet hnenah feh in a mit nat cu a tuamhlawm. Asinan ei-si le dawh-si phunphun thawi’ an tuamhlawm hnu khal ah ṭhat lam pan lo in a bese sinsin. A netnak ahcun phungki pakhat in milianpai’ nat cu a ra zoh. Phungki cun a mit natnak cu a theithiam ih, rong dang zoh lo in rong hring pakhat lawng zoh ding ah ruahnak a pe. Rong dang hrimhrim zoh aw hlah tiah a sim.

A mit nat cun rong hring si lo, rong dang hmuahhmuah cu a rak hua. Curuangah milianpa cun zuksuai thiam tampi a ko ih, rong hring khal tampi’n a lei. Cutin a zoh ding mi thil hmuahhmuah cu rong hring hnih thluh ding ah a fial hai.

Ni malte a rei tikah phungki cun milianpa cu a ra veh. Milianpai’ inn a thlen tikah a hnenumpawl in phungkipai’ puan cu rong hring thawn an rak toih ciar thluh. Ziangahtile phungki puan cu a sen a si ruangah an pupa ih mit nat thawn a mil lo pang ding ti an phan ruangah a si.

Cutikah phungki cu a hni ciamco.

Mitkharh hring pakhat lei awla cun sumpai malte lawng a cem ding ih, thil ziangkim rong hring va hnih ciamco khal ṭul lo in, nihlawh heu le liamkuan tampi khal a um lo ding. Leitlun pumpi rong hring va hnih thluh hnak in nangmai’ mit ih thil thlirdan (zohdan) sawn kha thleng awla, leilungpi khal amahte’n a rak danglam ve mei ding.

Sirhsan: Ngantu Theih Lo – Na Hmuhdan Thleng Aw 

Siang Lian Uk Kianghrol

Lairawn Zilthli
«
»

Pu Con Bik Tuanbia

Lian Hakha
Feb 20, 2023 2 min read

How to Write a Post on Vapual: A Step-by-Step…

Vapual
Feb 11, 2022 21 sec read

Cumkheng Thuanthu

Lairawn Zilthli
Feb 11, 2022 1 min read

41 Replies to “Na Hmuhdan Thleng Aw”

  8. Pingback: 1prevalence

  36. I have read your article carefully and I agree with you very much. So, do you allow me to do this? I want to share your article link to my website: Log in

Leave a Reply

Your email address will not be published.