Mit pakhat le ke pakhat lawng a neimi Siangpahrang pa a rak um. Zuk suai thiam zet pawl cu a ko khawm hai ih, “Ka zuk hi mawiten in suai uh” tiah a ti. Sikhalsehla, zohmanh in an suai thei lo, a suai khal an duh lo. Mit pakhat le ke pakhat lawng a neimi cu ziangtin mawi zetin cu kan suai thei ding an ti.
Asinan, anmah lak i mi pakhat in Siangpahrang pa zuk mawizet ih suai dingin cu a von thok i, a vun suai țheh tik ahcun a mak lawlaw! Mi tampi an mangbang in an lau thluh.
Siangpahrang pa ram a tawi lai i, sakap dingin a um lai zuk a suai. A mit pakhat kha a sin ter ih a khuk pakhat bil in sakap zik vekin a suai.
Hminsin: Ziangruangah hi nauhak pa vekin mi zuk hi kan suai thei ve lo maw si? An siatnak, an tlinlo nak pawl hi sim le rel lawng hi maw kan tum țheu. Hi nauhak pa vekin an siatnak, an tlamtlin lonak pawl thuh sak kan zuam ding hrimhrim a si.
