Khualtlawng Pahnih ih Covo Țhenawknak Thubuai

1 min read

Khualtlawng Pahnih ih Covo Țhenawknak Thubuai

Siang Lian Uk Kianghrol

Arab miphun minung pahnih hi Baghdad khawpi lam pan in khual an tlawng. Sundir a thlen tikah suncaw ei ding in khawte pakhat ah an cawl. An pahnih ah pakhat in sang panga a keng ih, a dang pakhat in sang pathum a keng. An sangpawl an ei hlan te ah mikhual dang pakhat an hnenah a ra thleng.

Cui’ mikhual cun paisa cu a nei. Asinan ei ding a nei lo. Curuangah an sang cu hlawm ve ding in zangfah a dil hai. A ei man khal a pek ding thu a tiamkam. Khualtlawng pahnih cun an lungkim tlang ih, an neih mi sang pariat cu bangrepte’n an ṭhenṭhek hnu ah ei ding in mikhual cu an ko.

An ei thluh tikah sangpawl cu a zate’n a cem. Mikhual cun a ei mi hmuahhmuah man ah sui tangka fang riat a pe. Cumi hnu ah rawl a dartupawl cu mangṭha ta in a feh liam.

Sang panga neitu cun a hrangah sui tangka fang nga a lak hnu ah a dang fang thum cu sang pathum neitu a rualpi a pe. Asinan sang pathum neitu in a duh lo. Bangrep ih kan ngah a awmmawi tiah a el.

Cutin an pahnih in nasate’n an to aw. Ziangti hman ih an relrem thei lo ruangah thuṭhentui’ hmai ah an feh. Thuṭhentu lawng in zo a dik, zo a dik lo ti a rel thei ding cuh!

Thuṭhentu cun an ṭong mi veve cu ṭhate’n a ngaisak. Cumi hnu ah thubuai neitu hmuahhmuah mangbang ding mi thutluknak a tuah.

“Sang panga neitu in sui tangka fang sarih co seh, sang pathum neitu in sui tangka fang khat co seh,” a ti.

Thuṭhentui’ thu ṭhendan hi a dik maw? Dingthluk lairelnak a si maw? A awmmawi maw? Ruat cio uh si.

Sang pariat kha hmun thum ah bangrepte’n kan ṭhenṭhek pei. Pahnih le hrek uak deuh (2.666) cio an si. Cumi cu mi pakhat in an ei mi zat a si. Sang pathum neitu cun a sang pathum lakih pahnih le hrek uak deuh a ei tikah, anih in mikhual a do mi cu sang phel hrek hnak ih mal deuh lawng a si. Asinan sang panga neitu cun pahnih le hrek deuhthaw a do. Curuangah thuṭhentui’ thu ṭhendan kha a dik.

Sirhsan: The Book of Knowledge Vol. 6

7 Replies to “Khualtlawng Pahnih ih Covo Țhenawknak Thubuai”

  1. You actually make it appear so easy along with your presentation but I to find this topic to be actually something that
    I feel I might never understand. It seems too complex and extremely extensive for
    me. I am looking forward on your subsequent put up, I will
    attempt to get the hold of it!

  2. Hello very nice website!! Guy .. Beautiful .. Superb .. I will bookmark your website and take the feeds also? I am glad to seek out numerous useful information here in the post, we’d like develop more strategies in this regard, thank you for sharing. . . . . .

Leave a Reply