Cinghnia le Tuu Khaltu Nauhak

Khua pakhat ahhin tuu khaltu pakhat a rak um. Cu pa cun a tuu pawl hi an khua kiang ih hramrul lakah a khal țheu. Amah hi mi-aa zet le mibum hmang zet a si.

Nikhat cu a umhar in a khuapi pawl a bum. “Cinghnia! Cinghnia!” tiin a theitawk in a aukio, a țap ciamco. Asinan a mibum duh men ah a rak si.

A khawpi pawl cun a au/țap an thei ih amah runsuak dingin hriam le naam thawn a hnenah an va tlan ciamco. A hnen an thlen tikah nauhak pa in in bum ti an thei ih inn ah an tlungsal. Cutin veithum hrawng a khuapi pawl a bum i an tlungsal ringring.

Nikhat cu cinghnia kha a hnenah a ra ngaingai. “Cinghnia! Cinghnia!” tiin a au lala nan, in bum tum lala a si hi an tiih zohman a hnenah an feh nawn lo. Cui cinghnia cun a deh ih a tuu kilmi pakhat thawn hmun hlapi ah a thiarhloh. Cui nauhak pa cu mi a rak bum ruangah thah a tong a si.

Zir theimi: Mi na bum tamtuk le na thusim mi pawl ah lo zum nawnlo a ol te. Mi bum rero/ tamtuk a țha lo. Thil ziangkim hi na tuah hlan ah ciamciam in ruat ta aw.