Ziaza Ṭha Lo Hi Hram Thuk Zet A Thlak Hlanah Botsuak Aw

1 min read

Veikhat cu milian innsang in fapa pakhatte an nei. An fapa an lennak suang in duhduh in a nung. Nu le pa ih thusim khal a ngai duh tuk lo. A nuncan ziaza cu a ṭha lo lawlaw. Hringtu nu le pa cu an fapa ih nuncan ziaza ṭhat lo ruangah ni tin thinhar le beidong zet in an um. An lennak in thinnomnak le lungawinak a suahpi thei ta lo.

Nikhat cu milianpa in a fapa nun simtu dingah mifim zet putar pakhat hnenah a fapa cu a fehpi. Putarpa khal cu cuih milianpai’ fapa ih nuncan ziaza sia pawl ziang tin a hlon thei ding ti tahṭhimnak thawn fiang zet ih a sim theinak dingah thuhla phunphun a ruat ve. A netnak ah a ruatsuak ngah ih cuih milianpai’ fapa cu hramlak ah a hruai.

Hramlak tupi sung an thlen tikah tawkfang an cawl hahdam. Cutiih an colh lai fang ah putarpa in milianpai’ fapa kha, “Khale…na kiangih khomi thingkung fate kha vun bot hnik aw,” tin a fial ih milianpai’ fapa cun ol ten a botsuak thei.

An bang a reh deuh tikah an fehsal lala ih tawkfang in hmun pakhat ah an cawlsal. Putarpa in milianpai’ fapa kha thingkung fate pakhat bot ding a fial lala. Asinan hih thingkung fate kung cu a hmaisa ih a bot vekin ol ten a botsuak thei nawn lo. A tha neih hmuah a suah hnu lawngah a botsuak thei fangfang.

Caan tawkfang an colh hahdam hnuah an poksal lala. Hmunkhat ah an cawl leh ih putarpa in milianpai’ fapa hnenah, “Khale…na kiangih khomi thingkung kha a hlanih na botmi pawl hnakin a tum deuh ih, vun botsuak tum hnik aw,” tin a fial lala. Milianpai’ fapa khal cu botsuak thei dingin a tha neih hmuah suah in a bot rero nan a botsuak thei nawn ta lo. Putarpa cu thlanhri for rero le cau hniaphniap ih um milianpai’ fapa cu a zoh ih a hni rero.

Putarpa Ih Simmi
Ka fapa, ṭha ten ngai aw. Nuncan ziaza ṭha khal siseh, nuncan ziaza sia khal siseh a thok pek lai ahcun ol ten na hlonhlo thei ding. Asinan tikcu caan reipi tiang na umter a si ahcun hlonhlo ding hi a har zet ding. Ka lo bottermi thingkung pawl khi leilung sungah thuk zet ih hrihram an thlak hlan ahcun ol ten botsuak a theih; asinan leilung ah thuk zet ih hram a thlak zomi thingkung cu a hram a hnget tuk zo ruangah boksuak a theih nawn lo. Cuvek thotho in kan nuncan ziaza sia pawl khal hi kan thinlung le kan nunnak sungah hram thuk zet ih an thlak hlanah kan botsuak lohli a ṭul. Cutiih kan botsuak lohli lawngah ziaza ṭha le hlawhtlinnak pawl kan nunnak ah an rahsuak ding.

Ref: “Bad Habits”/Paradise/www.yoyarlay.com/Moralstories_yyl
Lairawn Meifar
(42/2019)

9 Replies to “Ziaza Ṭha Lo Hi Hram Thuk Zet A Thlak…”

  1. Hello this is kinda of off topic but I was wondering if blogs use WYSIWYG editors or if you have to manually code with HTML. I’m starting a blog soon but have no coding knowledge so I wanted to get advice from someone with experience. Any help would be enormously appreciated!

Leave a Reply to Anonymous Cancel reply