Rualvah Hnih le Savom

1 min read

Rualvah Hnih le Savom

Khua pakhat ah rualvah hnih te an um i, an hmin cu Ron le John an si. Nikhat cu khua hlapi ah an tlawng. An hrang ahcun ziangtik lai khal ah țihnung zetmi thil cang thei an siih ruangah an pahnih in ‘ziangvek harsatnak kan ton pang khal asile kan bawm aw ton ding’ tiin thu an tiam aw.

Tupi sung lam panh in (ram thing lak ih) an feh rero lai ah; rinh lo piin Savom kha an lam a rak panh vivo cu an hei hmu. An pahnih in an țihtuk. Pakhat a rualpa Ron cu a nunnak humhim duh ah ziangtin ka tlan le ka luat thei ding ti lawng a ruat i a kiangih um thingkung parah a kai. Asinan, John cu thingkung parah a kai thei ve lo tikah zo cio kan theih vekin leilung ah canglo le thaw khal thaw loten a bawk i a thi awk ter. (savom a thih bumh)

 

Savom cu an umnak a rak thleng. Leilung ih a bawkmi cu a kiang a va feh i a thicia asile si lo kha a hna a hnim. Savom pawl cun a thi cia mi saa tivek pawl an ei dah lo tikah leilung i a thi awk ter pa cu a thaw khal a thaw lo a cang lo tikah Savom cun a thizo a si hi a tiih a feh san.

two friends and a bear

Savom a feh hnuah thingkung tlun i a kaitu pa cu a rak tum sal i “Ka rual, tunai Savom in a hna ah ziangmi thu a lo sim” tiah a sut. A rualpa John cun hi tin a sim “Savom in rualpi țha lo lakah va ralring in fimkhur aw tiah ruahnak i pek” tiah a sim.

• Rualpi țha lo lakah va fimkhur aw asilole na thil ti theinak (na fimnak) kha hloter hlah.

6 Replies to “Rualvah Hnih le Savom”

  1. Can I simply say what a relief to find a person that actually knows what they’re talking about on the net. You certainly understand how to bring an issue to light and make it important. More people need to read this and understand this side of the story. It’s surprising you’re not more popular since you definitely have the gift.

Leave a Reply