Laak Zangzel

1 min read

Laak Zangzel

Vei khat lai ah laak pakhat a rak um. Cui’ laak cu a zangzel zet. Hna a ṭuan khal ah tha zoi zet in, thlah dah zet ih ṭuan a duh.

Amah neitu cu ci sumdawng a si. Hlan lai ahcun tlang par ram ah ci a har zet. Curuangah ci pawl tlang par ram ih hun zuar a hlawk zet. Curuangah laak cu ci dip pawl a phurhter ih tlang par ah a kuat.

Laak cu laak dang vek si lo in a kalhmang olsam zawng a hawl. Cutin tlang par an thlen tikah tlangmual pakhat ih um tiva pakhat ah a tolh tla hrim. Tidai ih a pil hnu, a hung kai sal tik ahcun cipawl cu an rak zup ih a phur a zang. Lehhnu khal ah tlang par ih ci a phurh tinte’n cumi kalhmang cu a hmang ringring.

A pu cun lamzin ih ci a sunral phah ringring cu a lung a awi lo. Laak in a tuah hrim mi a si ti khal a theih ruangah nunsim a tum. Curuangah ci ai ah patpar pawl a thun ih a phurhter. Laak cun a rak hmu ngah kherkher lo.

Cutin tiva a thlen tikah laak cun tolh pang vek in tidai sungah a tla hrim leh. Asinan patparpawl cu tidai an ciar cun an rit deuhdeuh. Laak khal cu a mang a bang zet. Thil ritpi cu a thiar rero. A rualpi hmuahhmuah lakah a phurh mi cu a rit bik ah a cang.

Lehhnu cun laak khal in hmuhdan dik a ngah. A hahdamnak ding lawnglawng ruat lo in, laak dang vek thotho in, thilripawl sungralter lo te’n a phur ṭheu lanta.

Sirhsan: Mg Sai – “Laak Zangzel”

Siang Lian Uk Kianghrol

5 Replies to “Laak Zangzel”

Leave a Reply to Anonymous Cancel reply