Ka’n ruah

40 sec read

“Ka’n ruah”
Fikceu nih ka lam a ceuh zawn
Dairial zilthli nih ka hmai a phiah zawn
Thlatangpa nih vawlei a cul zawn
Nang ka’n ruah
Zing ninem nih ka tak cung a zau sin
Vanva hna nih van kil kip an hrawn sin
Pangpar hna nih minmei zul in an laam sin
Nang ka’n ruah
Arpi farual rawl kawlnak in ruun an rak hlam khin
Ngakchia rual nih inn lam an kawl ah khin
Nga hna nih ninu mangṭha cah in an rak i hlawh ah khin
Nang ka’n ruah
Thahreng hna nih leng le val hla an remhpiak hna caan
Angki lum duh in dawr an kal cio hna caan
Ruahpi nih vanmi hna mitthli a thlak vialte caan
Nang ka’n ruah
Zanṭim mui bik in lam ka dah lio
Chang ah pah in ka mithmai aa panh lio
Nawncek he i paih in ka nah dih lio
Nang ka’n ruah
Nifatin
Suimilam pakhat hnu pakhat
Atu dih in atu
Meng thong hlatnak hi hmun in ka’n ngai
Cun, nang lawng ka’n dawt.
-Fiakfairok

Note: We posted this with the original author permission.

Lai ah unau

Vapual
33 sec read

Lai Nundawh

Lairawn Zilthli
21 sec read

Kuang tawne i thuhmi

Lairawn Zilthli
32 sec read

4 Replies to “Ka’n ruah”

  1. Greetings! I know this is somewhat off topic but I was wondering which blog platform are you using for this site? I’m getting tired of WordPress because I’ve had issues with hackers and I’m looking at options for another platform. I would be great if you could point me in the direction of a good platform.

Leave a Reply to Anonymous Cancel reply