The Golden Egg Thuanthu

Khuahlan laiah lothlo pa putar pakhat a rak um. Putar pa cun Vate rang pakhat a zuat. Cui a zuatmi vate rang cu a danglam zet. Ziangahtile nikhat ah suiti pumkhat a ti ringring. Mipi pawl an mangbang in an khuaruah a har ngaingai.

Putar pa cu a nuam aw tuk i suiti cu atu le atu a siar leuhleuh. Thingkuang sungah a ret i țha tein tawh a hren țheu. Hi mi ka thingkuang a khat ah hi cun milian ka si leh ding tiah saduh a that ringring țheu.

Tikcu le caan a hung rei vivo tikah lothlo pa cun nikhat ih arti pakhat lawng kha cu a duhtawk nawn lo. Nikhat ih arti pakhat lawng ding cun a lianhar tuk ding a ti.

Lothlo pa cun nikhat cu hitin thu a ruat. “Ka vate hi ka that dingih a sung i a ummi suiti hmuahhmuah kha ka lak ding cun a rei hlanah milianbik ka si ding” a ti. A thinlung ten midang kha zianghmanh ah a siar nawn lo.

A thinsaunak in a daih nawn lo ih arti hmuahhmauh kha veikhat ngah ih ngah a tum. Curuangah a vate cu a that ih a pum sungah suiti pumziat a pei tin zamrang zetin a pum cu a tan/at i a sung a von zoh tik ahcun suiti pumkhat hmanh a rak umlo.

Ziangruangah suiti pumkhat hmanh a um lo si pei tiah khuaruah har in a um. Ziangruangah suiti a umlo ti a theithei lo. A neta lamah suiti cu nuamteten aa sem i a thang i a tum hnuah nitin ten pumkhat rero a tit mi a si ti kha a theifiang sal.

Cui’h hnu lawngah a lungfim ih a fiang aw. Asinan A vate cu a thi zo mi cu nungter sal a theih nawn fawn lo, a siraw tuk nan zianghmanh țhahnemnak a nei nawn lo. A Vate nun lai kha a vun ruat ah a riah a sia zet.

Hminsin :: Hi mi Putar pa hi zankhat thil thu ih lian a duh tuk ruangah vate rang cu a sung a si. Duhham tuk cun malte lawng ngahnak a si. Na neihsun ah lungawi hna thiam aw. Tam deuh neih na duh ruangah na duhham hlah zatlaknak na parah a thleng pang ding. Duhham tuk cu malte ngahnak a si. Duhham tuk cu a țha lo. Nannih khal thil nan tuah tikah duhham tuk hlah uh.