By: Sam Biak
Holh kongah kan buai lo
Kan thiammi holh paoh kan holh
Nang Falam, kei Halkha
Timi lungput kan ngei lo
Hmunkhat teah kan tlawng ti
Hmunkhat teah kan ei ti.
Hmunkhat teah Cung Pathian kan thangthat..
Aa dawh tuk Laifa(Laimi) sinak
Kan duh ah Halkha hla kan sa.
Kan duh ah Falam hla kan sa.
Apoi kan ti hrim lo..
Halkha hla kan sak ruangah.
Nautaknak kan ngei hlei lo.
Falam hla kan sak zong le
Thleidannak a um hlei lo..
Lai ciocio ah kan i dang lo
Kan awcawi i khat hlah hmanhseh,
Thisen khat unau kan si
Kan Idannak a um hlei lo
Pangpar dum a dawhtertu cu
Par khat long asi lo
Par phuntling an um longah
Pangpar dum cu an dawhter
Lairam aa dawhnak ding cun,
Falam, Halkha lawng a za lo
Kan pengkip in lungrual tein
Hmunkhat te kan par lawngah
Kan Lairam cu kan dawhter lai
